Isroil mudofaa kuchlari yakshanbaga o‘tar kechasi G‘azo sektori janubidan barcha bo‘linmalarini olib chiqib ketdi. Bu haqda The Jerusalem Post xabar berdi.
Nashr maʼlumotlariga ko‘ra, hozirda faqat bitta Isroil armiyasi brigadasi sektor janubida qolgan, uning vazifasi Isroil janubini G‘azo sohillari bilan bog‘lovchi koridor xavfsizligini taʼminlashdan iborat. Qo‘shinlarning olib chiqilishi Xon Yunis hududida janglar boshlanganidan to‘rt oy o‘tgach va HAMAS Isroilga hujum qilganidan olti oy o‘tgach sodir bo‘ldi.
Xon Yunisdagi faollik tugadi, so‘nggi haftalarda razvedka ma’lumotlariga asoslangan maqsadli reydlar kuchli ishladi. Shu bois armiya bo‘linmalari G‘azo sektori janubidagi Xon Yunisga kerak bo‘lganda qaytadi, shuningdek, boshqa hududlarda, jumladan, Misr bilan chegaradagi Rafahda ham operatsiyalarni davom ettiradi va boshlaydi”, — deya xabar berdi Kan radiostansiyasi yahudiy harbiylarga tayanib.
Isroil armiyasining taʼkidlashicha, G‘azo sektori janubidan qo‘shinlarning olib chiqilishi “siyosiy darajadagi” yoki “AQSH prezidenti Jo Baydenning bosimi” bilan bog‘liq emas. Jurnalistlar qo‘shinlarning keng miqyosda olib chiqilishi harbiy strategiya o‘zgarganidan dalolat berishini aytmoqda. HAMAS bilan urush avjida G‘azoda 30 000 dan ortiq isroillik askarlar bo‘lgan.
Izoh (0)