HAMAS Isroilning garovga olinganlar bo‘yicha so‘nggi taklifini rad etdi

HAMAS rahbariyati Isroilning asirga olinganlar borasidagi so‘nggi takliflarini rad etdi. Bu haqda CNN nashri xabar berdi.

Manbada aytilishicha, takliflarda HAMAS talablari inobatga olinmagani uni rad etish uchun asos bo‘lgan. HAMAS rahbariyati adolatsiz kelishuvga rozi bo‘lmasligini maʼlum qilgan.

“Ular rad etishdi, ularning talablariga hech qanday javob berilmaganini aytishdi. Isroilning takliflarida yangicha hech narsani yo‘q, shuning uchun ham HAMAS uni qabul qilishdan maʼno yo‘q deb hisoblaydi”, — deyiladi CNN xabarida.

Manbaga ko‘ra, shu hafta boshida Isroil taklifi HAMASga yuborilgan. Tinchlik kelishuvi rejasi HAMASning ikkita asosiy talabini aks ettirmagan: g‘azoliklarning shimolga cheklovsiz qaytishi va Isroil Mudofaa kuchlari (IDF) qo‘shinlarini hududdan olib chiqib ketish. HAMAS rahbariyati shu ikki talabini takror va takror taʼkidlab kelmoqda.

Markaziy razvedka boshqarmasi direktori Uilyam Berns, Isroilning Mossad direktori Devid Barnea va Shin Bet direktori Ronen Bar shu hafta oxirida Misrda o‘t ochishni to‘xtatish bo‘yicha muzokaralarni davom ettirish uchun uchrashishi xabar qilingan. Ushbu vakillar o‘tgan oyda Dohada vositachilar bilan muzokaralar o‘tkazish uchun uchrashgan, ammo aniq muvaffaqiyatga erishilmagan.