HAMAS bilan urush boshlanganidan beri Isroil armiyasining yo‘qotishi 604 kishiga yetdi

7-oktyabrda mojaro avj olgandan beri Isroil mudofaa kuchlari Falastinning HAMAS harakati bilan janglarda 604 kishini yo‘qotdi.

Bu haqda armiya matbuot xizmatining rasmiy bayonotida aytiladi.

So‘nggi ma’lumotlarga ko‘ra, o‘tgan shanba kuni G‘azo sektorida yana to‘rt nafar isroillik askar halok bo‘lgan. Barcha yo‘qotishlar G‘azoning janubida qayd etilgan.

G‘azoda quruqlikdagi operatsiya boshlangandan beri esa Isroil armiyasi 260 kishini yo‘qotgan.

Yaqin Sharqdagi vaziyat 2023-yil 7-oktyabr kuni G‘azo sektoridan Isroil hududiga HAMAS jangchilarining kirib kelishi, chegaradagi aholi punktlari aholisining o‘ldirilishi va 200 nafardan ortiq odam garovga olinishidan keyin keskin yomonlashdi. 

Isroil tomoni bunga javoban hozirgacha davom etayotgan “Temir qilichlar” operatsiyasi boshlanganini e’lon qildi.