Rossiyalik insayder Ivan Karpov o‘zining Telegram kanalida ma’lum qilishicha, Toshkentning “Lokomotiv” klubiga tegishli 17 yoshli futbolchi Ispaniya Segundasida yetakchilik qilayotgan “Leganes” klubida ko‘rikdan o‘tmoqda.
O‘zbekistonlik futbolchi Lazizbek Mirzayev U17 terma jamoasidagi muvaffaqiyatli o‘yinlari orqali xorij klublari skautlari nazariga tushgan.
Ayniqsa, o‘tgan yili noyabr oyida 17 yoshgacha futbolchilar o‘rtasidagi jahon chempionatida Lazizbek Mirzayevning jarima zarbasidan Angliya terma jamoasi darvozasini ishg‘ol qilgani ancha shov-shuvlarni keltirib chiqargan edi.
Lazizbek Mirzayevning transfer summasi 2023-yil yakuniga ko‘ra, 50 ming yevrodan 200 ming yevroga ko‘tarilgan.
“Leganes” joriy mavsumda Segundada 31 ta uchrashuvda 56 ochko jamg‘arib, musobaqa jadvalida birinchi o‘rinda bormoqda va La Ligaga chiqish uchun asosiy da’vogar hisoblanadi.
Izoh (0)