Gruziya Gretsiyani penaltilar seriyasida mag‘lub etib, o‘z tarixida ilk bor Yevropa Chempionatida ishtirok etish huquqini qo‘lga kiritdi

Futbol bo‘yicha Yevro—2024 saralashi doirasida Gruziya terma jamoasi Gretsiyaga qarshi bahs olib bordi.

Uchrashuvning asosiy daqiqalari 0:0 hisobi bilan yakunlandi. Qo‘shimcha bo‘limlarda ham darvozalar ishg‘ol etilmagach, g‘olib nomi penaltilar seriyasida aniqlanadigan bo‘ldi.

Penaltilarda esa 4:2 hisobida Gruziya g‘alaba qozondi va Yevropa Chempionatiga yo‘l oldi.

Qayd etib o‘tish joiz, Gruziya o‘z tarixida ilk bor Yevropa Chempionatida ishtirok etish huquqini qo‘lga kiritdi. Terma jamoa turnirning F guruhidan joy oladi. Guruhda Gruziyadan tashqari Turkiya, Portugaliya va Chexiya terma jamoalari joy olgan.

Yevro—2024 saralashi

26-mart, seshanba

Gruziya – Gretsiya 0:0 (4:2)

Gruziya: Mamardashvili, Kakabadze, Kashiya, Kverkveliya, Dvali, Kiteyshvili (Kvekveskiri, 104), Kochorashvili, Chakvetadze (Davitashvili, 104), Kvarasxeliya (Kvilitaya, 109), Zivzivadze (Mikautadze, 74), Shengeliya (Sitaishvili, 86).

Gretsiya: Vlahodimos, Boldok (Rota, 60), Hasidyakos (Resos, 105), Mavropanos, Simikas, Bakasetas, Mantalos (Buhalakis, 99), Kurbelis (Siopis, 67), Pelkas (Konstantelias, 61), Masuras, Ioannidis (Yakumakis, 90).

Ogohlantirishlar: Boldok (6), Hasidyakos (35), Zivzivadze (42), Mavropanos (44), Kverkveliya (50), Konstantelias (90), Rota (90+3).

Chetlatish: Loriya (45+3).