Lamin Yamal matematikadan imtihon topshirishi kerakligi uchun “Barselona”ning navbatdagi o‘yinida maydonga tusha olmaydi

“Barselona” futbolchisi Lamin Yamal 24-yanvar kungi “Atletik”ka qarshi bahsni o‘tkazib yuboradi.

Mundo Deportivo nashri muxbiri Fernando Polo Yamalning keyingi o‘yinga maydonga tusha olmasligini aytib o‘tdi.

Bunga sabab, Lamin 25-yanvar tongida matematikadan imtihon topshirishi kerak. Yamal esa bu imtihonni o‘tkazib yuborishi kerak emas. “Ko‘k-anorranglilar”ning Ispaniya Kubogi doirasidagi “Atletik”ka qarshi o‘yini esa 24-yanvardan 25-yanvarga o‘tar kechasi, soat 01:30 da bo‘lib o‘tadi.

Lamin Yamal Ispaniya yaqinda Ispaniya Superkubogi tarixidagi eng yosh gol muallifiga aylandi. Yamal 16 yosh 182 kunligida Ispaniya Superkubogi yarim finalida “Osasuna”ga qarshi o‘yinda (2:0) gol urdi.

Avvalroq, Yamal La Liga, Ispaniya terma jamoasi va Yevro saralash bosqichida eng yosh gol muallifiga aylangan edi.