Joriy yilning dastlabki uch oyi davomida La-Mansh bo‘ylab puflama qayiqlarda Buyuk Britaniyaga rekord miqdordagi noqonuniy migrantlar kelgan. Bu haqda Buyuk Britaniya Ichki ishlar vazirligi tomonidan e’lon qilingan rasmiy ma’lumotlarda ma’lum qilingan.
Umuman olganda, yil boshidan buyon Buyuk Britaniyaga La-Mansh orqali 4,6 ming kishi noqonuniy ravishda kelgan, bu 2022 yilning birinchi choragidagi ko‘rsatkichlardan ko’p. 2022-yilda mamlakatga 4,5 ming noqonuniy migrant kelgandi. 2023-yilning shu davrida noqonuniy migrantlar soni 3,7 ming nafarni tashkil qilgan.
Umuman olganda, 2023-yilda Buyuk Britaniyaga La-Mansh kanali orqali kelgan noqonuniy migrantlar soni 29,4 ming kishini tashkil etdi. Bu o‘tgan yilga nisbatan deyarli uch baravar kamdir. Mazkur ko‘rsatkich bosh vazir Rishi Sunakka noqonuniy migrantlarga qarshi kurashdagi muvaffaqiyatlari haqida gapirishga imkon beradi.
Biroq 2018-yildan beri hukmron Konservativ partiyaning noqonuniy immigratsiyaga qarshi kurashish bo‘yicha va’dalariga qaramay, jami 110 mingdan ortiq noqonuniy migrantlar Buyuk Britaniyaga kelgan. Sunak avvalroq bu masalani hukumatning asosiy ustuvor yo‘nalishlaridan biri deb ta’riflagan edi.
Boshpana so‘rab murojaatlarni ko‘rib chiqish davrida noqonuniy migrantlar odatda maxsus migratsiya markazlariga joylashtiriladi, biroq bu markazlarning soni yetarli emas. Bunday migrantlarni saqlash, The Times gazetasiga ko'ra, Britaniya soliq to'lovchilariga yiliga taxminan 4 milliard funt sterling (5 milliard dollar) tushadi.
Xususan, mehmonxonalarda noqonuniy migrantlarni joylashtirish uchun kuniga taxminan 6 million funt sterling (7,6 million dollar) sarflanadi.
Izoh (0)