Argentina prezidenti Xavyer Miley yaqin kelajakda 70 ming nafar davlat xizmatchisini ishdan bo‘shatish niyatida ekanligini ma’lum qildi.
Uning aytishicha, bu chora-tadbirlar mamlakat byudjetini ortiqcha yuklamadan xalos qilish maqsadida amalga oshirilmoqda.
Xavyer Mileyning so'zlariga ko‘ra, rasmiylar allaqachon katta ehtiyoj bo‘lmagan 200 mingta ijtimoiy dasturni bekor qilgan.
“Biz 50 ming nafar davlat xizmatchisini allaqachon ishdan bo‘shatganmiz, ularning shartnomalari bekor qilindi. Endilikda davlat idoralaridagi yana 70 mingta shtat qisqartiriladi”, — deb va’da berdi Argentina prezidenti.
2023-yil dekabrida lavozimga kirishgan Xavyer Miley Argentinadagi vaziyatni o‘ta og‘ir deb baholadi. U iqtisodiyotda keskin choralar zarurligini e’lon qildi va mamlakatda noroziliklarga sabab bo‘lgan islohotlar paketini taqdim etdi.
Xavyer Miley iqtisodni liberallashtirishga qaratilgan 300 dan ortiq islohot to‘g‘risidagi favqulodda farmonni imzoladi, bunda davlat xarajatlari jiddiy qisqartirildi.
Izoh (0)