Qashqadaryo viloyati Ko‘kdala tumani hokimi gaz balloni portlashidan jabrlanganlarga moddiy yordam ajratdi. Bu haqdagi tegishli qaror tuman hokimi tomonidan imzolangan.
Qarorga ko‘ra, tan jarohati olgan 26 nafar fuqaroning holidan xabar olinib, “Saxovat va ko‘mak” jamg‘armasi hisobidan 62 mln so‘m ajratiladi.
Eslatib o‘tamiz, 18-mart kuni Qashqadaryoning Ko‘kdala tumanida o‘tkazilayotgan saylda gaz ballon portlashi oqibatida 37 kishi turli darajada tan jarohati olgani haqida xabar berilgandi.
Holat yuzasidan Ko‘kdala tuman prokuraturasi tomonidan Jinoyat kodeksining 207-moddasi (mansabga sovuqqonlik bilan qarash) 2-qismi bilan jinoyat ishi qo‘zg‘atilib, tergov harakatlari olib borilayotgan edi.
Izoh (0)