O‘zbekistonda 2023-yili avtomobilda tashuvlar sohasida aniqlangan huquqbuzarliklar soni ochiqlandi

O‘zbekistonda 2023-yilda avtomobilda tashuvlar sohasida 110 298 ta huquqbuzarlik aniqlangani aytildi. 

Ma’lum qilinishicha, 1-yanvar holatida mamlakatda avtomobil transporti sohasida faoliyat ko‘rsatayotgan jami 3 970 ta korxonalar (MCHJ)lar mavjud. Mazkur litsenziyalangan transport vositalari 229 917 tani tashkil etmoqda, jumladan:

• avtobuslar 7 779 tani,
• mikroavtobuslar 3 579 tani, 
• yengil avtomobillar soni 195 346 tani (Damas 30 541), 
• yuk avtomobillari esa 23 213 tani tashkil etadi. 

Respublika bo‘yicha joriy yil 1-yanvar holatiga tashuvchilar tomonidan 2 426 ta muntazam yo‘nalishlarda xizmat ko‘rsatib kelinmoqda, jumladan ulardan 546 tasi shahar yo‘nalishlari, 1652 ta shahar atrofi hamda 228 tasi shaharlararo yo‘nalishlaridir