Eron birinchi vitse-prezidenti Muhammad Moxber 22-mart kuni Moskvada sodir etilgan teraktni qoralab, Tehron terrorizmga qarshi kurashda Moskva bilan hamkorlikni kuchaytirishga tayyorligini maʼlum qildi. Bu haqda IRNA nashri xabar berdi.
“Dunyoning istalgan nuqtasida terrorizm va begunoh fuqarolarning o‘ldirilishi qoralanadi va bu jinoyatni sodir etgan yoki qo‘llab-quvvatlagan har qanday hukumat yoki guruh xalqaro sudlarda taʼqib qilinishi va jazoga tortilishi kerak”, — degan Muhammad Moxber Rossiya bosh vaziri Mixail Mishustinga yo‘llagan maktubida.
Maktubda Eron rasmiysi Moskvadagi Crocus City Hallʼda sodir bo‘lgan va ko‘p sonli fuqarolarning halok bo‘lishiga olib kelgan terrorchilik hodisasi munosabati bilan Rossiya rahbariyatiga va xalqiga hamdardlik yo‘llagan.
Tehron vakili xalqaro terrorizmga qarshi kurashda Eron va Rossiya hamkorligi yanada mustahkam bo‘lishi, mamlakat ichida tartib-nazorat tizimi yaratish borasida birgalikda harakat qilinishi kerakligini urg‘ulagan.
Izoh (0)