Eron Tashqi ishlar vaziri matbuot kotibi Nosir Kanoniy Isroil rejimining G‘azo shahridagi Al-Shifo kasalxonasiga uyushtirgan vahshiyona hujumini keskin qoraladi. Bu haqda IRNA nashri xabar berdi.
“Afsuski, sionistik rejim barcha xalqaro qonun va qoidalarni buzgan holda shifoxonaga hujum uyushtirib, tibbiyot xodimlari, bemorlar va yaradorlarni qirg‘in qilishi, yarador qilishi yoki asirga olishiga dunyo birinchi marta guvoh bo‘layotgani yo‘q”, — degan Eron Tashqi ishlar vazirligi rasmiysi.
Nosir Kanoniyga ko‘ra, xalqaro gumanitar huquq doirasida himoya qilinishi kerak bo‘lgan tibbiyot muassasalariga hujum qilish xalqaro inson huquqlari va insonparvarlik tamoyillarining qo‘pol ravishda buzishdir. Buni sodir etganlar jazosiz qolishi kerak emas.
Avvalroq Isroil ishg‘ol kuchlari Al-Shifo kasalxonasiga tanklar va artilleriya bilan bostirib kirib, tibbiyot majmuasida boshpana topgan bir qancha falastinliklarni o‘ldirgani va yaralagani maʼlum qilingan edi. Arab nashrlari kasalxona to‘liq o‘rab olingani haqida xabarlar tarqatgan.
Xabarlarga ko‘ra, Al-Shifo kasalxonasida ayni damda 30 ming kishi qamalib qolgan. Hududda gumanitar yordam paketlari allaqachon tugab bo‘lgan.
Izoh (0)