Moldova mudofaa vaziri Anatoli Nosati 22-mart kuni mamlakat fuqarolari Ukraina armiyasi safida Rossiyaga qarshi jang qilayotganini tasdiqladi. Bu haqda Anadolu nashri xabar berdi.
Moldova vaziriga ko‘ra, Moldova fuqarolarining Ukraina armiyasi safiga borib qo‘shilishi ixtiyoriylik asosida kechgan. Hukumat tomonidan fuqarolarni xorijiy harbiy harakatlarga jalb etish holati yuz bermagan.
Moldova prezidenti Maya Sandu mamlakat fuqarolari Rossiya armiyasiga qo‘shiladigan bo‘lsa, Moldova fuqaroligidan mahrum etilishi haqida ogohlantirgan. Ukraina borasida esa bunday harakat ssenariysi mavjud emas.
Amaldagi Moldova qonunchiligiga ko‘ra, yollanma harbiy faoliyat noqonuniydir va u mamlakat qonunchiligiga ko‘ra jinoiy javobgarlik uchun asos bo‘ladi.
Izoh (0)