Buyuk Britaniya hukumati 20-mart kuni G‘azo sektoriga o‘zining eng katta hajmdagi gumanitar yordam paketini jo‘natgan. Bu haqda CNN nashri xabar berdi.
Yordam paketi yuborilgani haqida mamlakat Tashqi ishlar vazirligi bayonot bergan. Ushbu yordam yuklari G‘azo shahri va sektor janubidagi Rafah hududlariga yo‘naltirilishi maʼlum qilingan.
Britaniya rasmiylari maʼlum qilishicha, yordam paketi qamaldagi G‘azo hududiga Iordaniya quruqlik koridori orqali kiritilishi rejalashtirilgan. Gumanitar yordam paketi hajmi 2000 tonnani tashkil etadi. U asosan, oziq-ovqat mahsulotlaridan iborat. London rasmiylari ushbu hajmdagi oziq-ovqat 275 ming nafar g‘azolikka tarqatish uchun mo‘ljallanganini maʼlum qilgan.
Gumanitar yordam yuklari, shuningdek, boyitilgan bug‘doy uni, issiq ovqatlar va yarim tayyor ozuqalardan iborat ekanligi aytilgan.
“Oziq-ovqat yuklari G‘azodagi 275 mingdan ortiq aholini oziqlantirish uchun ishlatiladi. Har bir oziq-ovqat to‘plami besh kishilik oila uchun mo‘ljallangan bo‘lib, konservalangan sabzavot, go‘sht, baliq va xurmolardan iborat. Yordam paketi aholining kunlik kaloriya ehtiyojining yarmini qondira oladi”, — degan Buyuk Britaniya rasmiysi.
Yetkazib berish o‘tgan chorshanba kuni kelgan va UNICEF tomonidan tarqatiladigan Buyuk Britaniya tomonidan moliyalashtirilgan 150 tonna yordam buyumlari, jumladan, adyol va chodirlarni qo‘shadi, dedi Tashqi ishlar vazirligi.
Xabarda qo‘shimcha qilinishicha, G‘azoda ish olib borayotgan UNICEF bo‘limlari 20-mart kuni yana 150 tonna oziq-ovqat mahsulotlari och aholiga topshirilishini xabar qilgan. Rafah hududida Britaniya tashabbusi bilan dala shifoxonalari tashkil etilishi aytilgan.
Izoh (0)