Вьетнам президенти Во Ван Тҳунг истеъфога чиқди ва ҳукмрон Вьетнам Коммунистик партияси (ВКП) Марказий қўмитаси уни қабул қилди. Бу ҳақда Вьетнам ОАВларига таяниб “Report.аz” хабар бермоқда.
“Мамлакатда йирик ҳукумат қарорларини қабул қилувчи Вьетнам Коммунистик партияси Марказий қўмитаси шахсий сабабларга кўра Во Ван Тҳунгнинг истеъфога чиқишини маъқуллади”, дейилади хабарларда. Бу бўйича бошқа ҳеч қандай тафсилотлар келтирилмаган.
Во Ван Тҳунг тахминан бир йил олдин Вьетнам президенти сифатида иш бошлаганди. Унинг президентлик муддати мамлакатнинг яқин тарихидаги энг қисқа муддат бўлди.
Шунингдек, у Сиёсий бюро аъзоси ва ВКП Марказий қўмитасининг доимий аъзоси бўлишни тўхтатди. Эндиликда президентнинг истеъфоси Вьетнам Миллий ассамблеяси (бир палатали парламент) томонидан ҳам тасдиқланиши керак.
Қайд этилишича, Во Ван Тҳунг партия низомининг бир қанча бандларини бузган ва шу туфайли жамоатчиликнинг салбий муносабатига сабаб бўлган.
Изоҳ (0)