Ispaniyada yuk mashinasi politsiya postiga kirib ketishi oqibatida olti kishi halok bo‘ldi. Hodisa 19-mart kuni Ispaniyaning Sevilya provinsiyasidagi shosseda yuz bergan. Bu haqda Euronews xabar berdi.
Rasmiylarga ko‘ra, avtohalokatga yuk mashinasi haydovchisining beparvoligi sabab bo‘lgan. Qurbonlardan ikki nafari fuqarolik gvardiyasi xodimlari hamda voqea joyida bo‘lgan yana to‘rt nafar shaxsni yuk mashinasi urib ketgani aytilmoqda. Yuk mashinasi yo‘l chetiga chiqib ketib, uchta xizmat mashinasi va politsiya nazorat punktida bo‘lgan kamida yana ikkita shaxsiy avtomobilga borib urilgan.
Haydovchi jarohatlanmagan va hibsga olingan. U tanasida alkogol va giyohvand moddalar mavjudligi bo‘yicha tahlil topshirgan va barcha test natijalari salbiy chiqqan.
Hodisa Sevilya va Kadisni bog‘lovchi 4-magistraldagi Fuqarolik gvardiyasi nazorat punktida sodir bo‘lgan. Tergov ishlari olib borilayotgan vaqtda avtomagistral transport harakati uchun yopilgan.
Xabar qilinishicha, politsiya xodimlarining signallarini olgach, yuk mashina haydovchisi keskin manyovr qilgan. Barcha jabrlanganlar tibbiy muassasalarga yetkazilgan.
Izoh (0)