Испанияда юк машинаси полиция постига кириб кетиши оқибатида олти киши ҳалок бўлди. Ҳодиса 19 март куни Испаниянинг Севилья провинциясидаги шосседа юз берган. Бу ҳақда Euranews хабар берди.
Расмийларга кўра, автоҳалокатга юк машинаси ҳайдовчисининг бепарволиги сабаб бўлган. Қурбонлардан икки нафари фуқаролик гвардияси ходимлари ҳамда воқеа жойида бўлган яна тўрт нафар шахсни юк машинаси уриб кетгани айтилмоқда. Юк машинаси йўл четига чиқиб кетиб, учта хизмат машинаси ва полиция назорат пунктида бўлган камида яна иккита шахсий автомобилга бориб урилган.
Ҳайдовчи жароҳатланмаган ва ҳибсга олинган. У танасида алкогол ва гиёҳванд моддалар мавжудлиги бўйича таҳлил топширган ва барча тест натижалари салбий чиққан.
Ҳодиса Севилья ва Кадисни боғловчи 4-магистралдаги Фуқаролик гвардияси назорат пунктида содир бўлган. Тергов ишлари олиб борилаётган вақтда автомагистрал транспорт ҳаракати учун ёпилган.
Хабар қилинишича, полиция ходимларининг сигналларини олгач, юк машина ҳайдовчиси кескин манёвр қилган. Барча жабрланганлар тиббий муассасаларга етказилган.
Изоҳ (0)