Xitoyning Guandun provinsiyasi Chaochjou shahrida Tesla avtomobili katta tezlikda ikki kishini bosib ketib, ularning o‘limiga sabab bo‘ldi. Bu haqda Global Times xabar bermoqda.
Avtohalokat haydovchi Tesla Model-Y mashinasini parkovka qilmoqchi bo‘lganida yuz bergan. Elektromobil kutilmaganda boshqaruvni yo‘qotib, katta tezlikda ikki kilometrni bosib o‘tgan hamda ikkita mototsikl va ikkita velosiped bilan to‘qnashgan. Oqibatda ikki kishi halok bo‘lib, uch kishi jabrlangan.
This video of a Tesla trying to park and instead taking off at high speed, killing two people seems to keep getting deleted, weird!
— Read Abolish Rent (@JPHilllllll) November 13, 2022
pic.twitter.com/SGEcZcx6Zq
Politsiya haydovchining alkogol yoki narkotik mastlik holatida mashina boshqarganini istisno qildi va transport vositasi tekshiruvdan o‘tkazilishini bildirdi.
Tesla kompaniyasi ma’lum qilishicha, avariya videosi avtomobil tezlikni oshirganida uning stop-signallari yonmaganini ko‘rsatgan. Bundan tashqari, kompaniya hodisani tekshirishda faol ravishda zarur yordamni taqdim etishini bildirdi.
Mavzuga doir:
- AQShda Tesla haydovchisi birinchi bor avtopilot ishtirok etgan va o‘lim bilan yakunlangan YTH uchun sud oldida javob beradi
- AQShda avtopilot rejimida harakatlangan Tesla halokatga uchradi. Mashinada bo‘lgan ikki kishi halok bo‘ldi
- Tesla haydovchisi soatiga 160 kilometr tezlikda uylardan biriga borib urilib, omon qoldi
Izoh (0)