DXX Samarqand viloyati boshqarmasi tomonidan viloyat IIB xodimlari bilan hamkorlikda o‘tkazilgan tezkor tadbirda giyohvand moddalarni tarqatish bilan shug‘ullanib kelgan shaxslar qo‘lga olindi.
Qayd etilishicha, Urgut tumanida yashovchi 26 yoshli B.X., 29 yoshli M.J. hamda 36 yoshli Y.F. giyohvandlik vositalarining noqonuniy savdosi bilan shug‘ullanib kelayotgani aniqlangan. Ular Urgut tumani “Jarqishloq” mahallasi hududida 1 kilogramm opiy giyohvandlik vositasini mahalliy fuqaroga 25,5 ming dollarga sotayotgan vaqtida jinoyat ustida qo‘lga olingan.
Hozirda ushbu shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilishi rejalashtirilib, surishtiruv harakatlari olib borilmoqda.
Avvalroq Farg‘onada 17 yoshli bola yashayotgan uydan 30 kilodan ortiq narkotik moddalar topilgani to‘g‘risida xabar berilgandi. Shuningdek, Samarqandda fuqaroning uyidan salkam 32 kilo marixuana topilgan edi.
Izoh (0)