Ijtimoiy tarmoqlarda Yunusobod ko‘prigida avariya sodir bo‘lgani haqida xabarlar tarqaldi. Holat yuzasidan Ichki ishlar boshqarmasi YHXB axborot xizmati maʼlumot berdi.
Maʼlum qilinishicha, Olmazor tumani Ahmad Donish ko‘chasida soat 19:40 larda 5 ta avtomashina ishtirokida YTH sodir bo‘lgan. Jumladan, Lacetti, uchta Cobalt va Kinglong rusumli avtomashinalari to‘qnashgan.
YTH oqibatida 3 nafar haydovchi tan jarohat olib shifoxonaga olib ketilgan.
Holat yuzasidan Toshkent shahar IIBB YHXB xodimlari tomonidan tergovga qadar surishtiruv ishlari olib borilmoqda. Holat bo‘yicha qo‘shimcha maʼlumot berilishi xabar qilindi.
Izoh (0)