Bekzot Mavlonov O‘zbekiston prezidentining huquqiy ekspertiza va kompleks tahlil qilish masalalari bo‘yicha maslahatchisi lavozimiga tayinlandi. Bu haqda prezident matbuot kotibi xabar berdi.
Shu munosabat bilan u Prezident administratsiyasi Huquqiy ekspertiza va kompleks tahlil qilish departamenti rahbari lavozimidan ozod etildi.
Bekzot Mavlonov o‘z faoliyati davomida huquq-tartibot organlarida xizmat qilgan. 2017-yilda u bosh prokuror o‘rinbosari sifatida ham ishlagan.
Eslatib o‘tamiz, 2023-yil 17-avgustda O‘zbekistonda Prezident administratsiyasi rahbari lavozimi tugatilgan edi. Mazkur lavozimda faoliyat yuritgan Sardor Umurzoqov O‘zbekiston prezidentining maxsus topshiriqlar bo‘yicha maslahatchisi lavozimiga tayinlandi. Shu munosabat bilan u Prezident administratsiyasi rahbari lavozimidan ozod etilgandi. Avgust oxirida esa Shavkat Mirziyoyev Prezident administratsiyasining yangilangan tarkibini tasdiqlangandi.
Izoh (0)