ДХХ Самарқанд вилояти бошқармаси томонидан вилоят ИИБ ходимлари билан ҳамкорликда ўтказилган тезкор тадбирда гиёҳванд моддаларни тарқатиш билан шуғулланиб келган шахслар қўлга олинди.
Қайд этилишича, Ургут туманида яшовчи 26 ёшли Б.Х., 29 ёшли М.Ж. ҳамда 36 ёшли Й.Ф. гиёҳвандлик воситаларининг ноқонуний савдоси билан шуғулланиб келаётгани аниқланган. Улар Ургут тумани “Жарқишлоқ” маҳалласи ҳудудида 1 килограмм опий гиёҳвандлик воситасини маҳаллий фуқарога 25,5 минг долларга сотаётган вақтида жиноят устида қўлга олинган.
Ҳозирда ушбу шахсларга нисбатан Жиноят кодексининг тегишли моддалари билан жиноят иши қўзғатилиши режалаштирилиб, суриштирув ҳаракатлари олиб борилмоқда.
Аввалроқ Фарғонада 17 ёшли бола яшаётган уйдан 30 килодан ортиқ наркотик моддалар топилгани тўғрисида хабар берилганди. Шунингдек, Самарқандда фуқаронинг уйидан салкам 32 кило марихуана топилган эди.
Изоҳ (0)