Falastin prezidenti Mahmud Abbos investitsiya fondi rahbari Muhammad Mustafoni bosh vazir etib tayinladi. Tegishli farmonni prezident imzoladi va fondi rahbari Mustafoga yubordi. Bu haqda WAFA agentligi xabar berdi.
“Biz sizni bosh vazir etib tayinlashga qaror qildik va qonunda belgilangan muddatlarda Falastinning 19-hukumatini tuzishni topshirdik”, — deyiladi farmonda.
Falastin milliy administratsiyasi rahbari yangi bosh vazirni “Falastin xalqi manfaatlarini himoya qilish, uning yutuqlarini asrab-avaylash va oshirish hamda o‘z maqsadlariga erishishda yordam berishga” chaqirdi.
Yangi hukumatning asosiy ustuvor yo‘nalishlari “G‘azo sektorini iqtisodiy rekonstruksiya qilishga tezkor o‘tish”, “Isroil harbiylari tomonidan Falastin anklavining janubi va shimolidagi vayron qilingan hududlarni qayta qurish”, “mustaqil Falastin davlatining kelajagi haqida aniq tasavvurni ishlab chiqish” va iqtisodiyot, davlat xavfsizligi kabi sohalardir.
26-fevral kuni Falastinning sobiq bosh vaziri Muhammad Shtaye o‘z hukumati iste’foga chiqqanini e’lon qildi. Iste’fo Falastin prezidentining mintaqa davlatlari, xalqaro hamjamiyat va AQSHning Falastin ma’muriyatiga nisbatan bosimi ostida qabul qilinganini aytilgan.
Izoh (0)