Фаластин президенти Маҳмуд Аббос инвестиция фонди раҳбари Муҳаммад Мустафони бош вазир этиб тайинлади. Тегишли фармонни президент имзолади ва фонди раҳбари Мустафога юборди. Бу ҳақда WAFA агентлиги хабар берди.
“Биз сизни бош вазир этиб тайинлашга қарор қилдик ва қонунда белгиланган муддатларда Фаластиннинг 19-ҳукуматини тузишни топширдик”, — дейилади фармонда.
Фаластин миллий администрацияси раҳбари янги бош вазирни “Фаластин халқи манфаатларини ҳимоя қилиш, унинг ютуқларини асраб-авайлаш ва ошириш ҳамда ўз мақсадларига эришишда ёрдам беришга” чақирди.
Янги ҳукуматнинг асосий устувор йўналишлари “Ғазо секторини иқтисодий реконструкция қилишга тезкор ўтиш”, “Исроил ҳарбийлари томонидан Фаластин анклавининг жануби ва шимолидаги вайрон қилинган ҳудудларни қайта қуриш”, “мустақил Фаластин давлатининг келажаги ҳақида аниқ тасаввурни ишлаб чиқиш” ва иқтисодиёт, давлат хавфсизлиги каби соҳалардир.
26 февраль куни Фаластиннинг собиқ бош вазири Муҳаммад Штае ўз ҳукумати истеъфога чиққанини эълон қилди. Истеъфо Фаластин президентининг минтақа давлатлари, халқаро ҳамжамият ва АҚШнинг Фаластин маъмуриятига нисбатан босими остида қабул қилинганини айтилган.
Изоҳ (0)