Xitoy davlat kompaniyalariga Amerika dasturiy ta’minotidan voz kechishni buyurdi — WSJ

Xitoy hukumati davlat kompaniyalariga xorijiy dasturiy ta’minotni to‘liq Xitoy dasturiy ta’minoti bilan almashtirishni buyurgani ma’lum bo‘ldi, deb yozadi The Wall Street Journal.

Bu bo‘yicha buyruq 79-hujjat deb nomlanib, Davlat aktivlarini nazorat qilish va boshqarish komissiyasi hamda Xitoy Xalq Respublikasi davlat kengashi tomonidan 2022-yil sentyabr oyida chiqarilgan.

Hujjat shu qadar maxfiyki, yuqori martabali amaldorlar va kompaniya rahbarlariga faqat buyruq ko‘rsatilgan va ulardan nusxa ko‘chirishga ruxsat berilmagan.

Kompaniyalar har chorakda import o‘rnini bosish bo‘yicha erishilgan yutuqlar to‘g‘risida hisobot berishlari shart va 2027-yilgacha xorijiy dasturiy ta’minotni Xitoy dasturiy ta’minoti bilan to‘liq almashtirishga erishishi kerak.

Nashr taʼkidlaganidek, direktiv Xitoyning AQSH sanksiyalariga javobi bo‘lib, Xitoyga mikrochiplar va uskunalar yetkazib berishga jiddiy taʼsir ko‘rsata boshladi. WSJ tomonidan olingan xarid hujjatlariga ko‘ra, davlat kompaniyalari mahalliy mahsulotlarni xarid qilishni sezilarli darajada oshirgan.