Ukrainaning quruqlikdagi qo‘shinlari qo‘mondoni Aleksandr Pavlyuk armiyaning 2024-yilgi rejalari haqida ma’lumot berdi. Bu haqda “Strana.ua” xabar berdi.
Pavlyukka ko‘ra, rus armiyasi Rossiyadagi prezidentlik saylovlari oldidan imkon qadar katta hududni egallashga harakat qilmoqda.
“Tashabbusni qo‘lga olish uchun hamma narsa qilinmoqda. Bizning vazifamiz front chizig‘ini barqarorlashtirish, imkon qadar dushmanni yo‘q qilish, qo‘shinlarni olib chiqish uchun bo‘linmalarni imkon qadar qaytadan to‘plash, zarba beruvchi kuchlarni yaratish va joriy yilda qarshi hujum operatsiyalarini o‘tkazishdan iborat. Biz muvaffaqiyatga erishamiz. Vaziyat barqarorlashmoqda”, — deya ishontirdi Pavlyuk.
U eng keskin vaziyat hozir uchta: Avdeyevka, Chasovoy Yar yaqinida va Liman yo‘nalishida ekanini aytdi. U yerda har kuni og‘ir janglar kechmoqda, Ukraina qurolli kuchlari ularga qarshilik qilishda davom etmoqda.
Izoh (0)