Хитой ҳукумати давлат компанияларига хорижий дастурий таъминотни тўлиқ Хитой дастурий таъминоти билан алмаштиришни буюргани маълум бўлди, деб ёзади The Wall Street Journal.
Бу бўйича буйруқ 79-ҳужжат деб номланиб, Давлат активларини назорат қилиш ва бошқариш комиссияси ҳамда Хитой Халқ Республикаси давлат кенгаши томонидан 2022 йил сентябрь ойида чиқарилган.
Ҳужжат шу қадар махфийки, юқори мартабали амалдорлар ва компания раҳбарларига фақат буйруқ кўрсатилган ва улардан нусха кўчиришга рухсат берилмаган.
Компаниялар ҳар чоракда импорт ўрнини босиш бўйича эришилган ютуқлар тўғрисида ҳисобот беришлари шарт ва 2027 йилгача хорижий дастурий таъминотни Хитой дастурий таъминоти билан тўлиқ алмаштиришга эришиши керак.
Нашр таъкидлаганидек, директив Хитойнинг АҚШ санкцияларига жавоби бўлиб, Хитойга микрочиплар ва ускуналар етказиб беришга жиддий таъсир кўрсата бошлади. WSJ томонидан олинган харид ҳужжатларига кўра, давлат компаниялари маҳаллий маҳсулотларни харид қилишни сезиларли даражада оширган.
Изоҳ (0)