Pekin Moskva va Kiyevni janglarni tugatish bo‘yicha muzokaralar sari undash uchun yangi diplomatik sa’y-harakatlarni amalga oshirmoqda. Bu haqda Euronews xabar berdi.
Pekinning Yevroosiyo masalalari bo‘yicha maxsus vakili Li Xuey 2-mart kuni Moskvada Rossiya tashqi ishlar vaziri o‘rinbosari Mixail Galuzin bilan uchrashdi. Ular Ukrainadagi jangovar harakatlarni to‘xtatishning yagona yo‘li muzokaralar degan fikrga kelgan.
Rossiya Tashqi ishlar vazirligining rasmiy press-relizida esa Rossiya ishtirokisiz siyosiy va diplomatik kelishuv bo‘yicha har qanday munozarani olib borish mumkin emasligi va shu bilan birga, Kiyev va G‘arb tomonidan Rossiyaga qo‘yilgan ultimatumlar kelishuv istiqbollariga putur yetkazishi aytilgan.
Li Xuey Ukraina, shuningdek, Fransiya, Germaniya va Bryusselga tashrif buyurishni rejalashtirmoqda. O‘tgan yilning may oyida u shu kabi sayohatni amalga oshirgan, ammo urinishlar muvaffaqiyatsiz yakunlangan edi.
Izoh (0)