Prezident tomonidan imzolangan qonun bilan Bojxona kodeksiga o‘zgartirish va qo‘shimchalar kiritildi. Bu haqda Adliya vazirligi axborot xizmati xabar berdi.
Ma’lum qilinishicha, qonun bilan tovarlarni olib kirishda bojxona qiymatini aniqlashga doir normalar xalqaro standartlarga muvofiqlashtirildi, tovarlarni eksport, reimport va reeksport bojxona rejimlariga joylashtirish tartib-taomillari soddalashtirildi.
Namangan viloyati Uchqo‘rg‘on tumanida O‘zbekistonni qo‘shni Qirg‘iziston bilan bog‘lovchi chegara postini qurish boshlangani haqida xabar berilgandi. Xuddi shunday loyiha Qirg‘izistonning Novkent tumani Qiziltu qishlog‘i “Kengsay” bojxona postida ham amalga oshirilmoqda. O‘zbekiston—Qirg‘iziston chegarasida joylashgan “Uchqo‘rg‘on” va “Kengsay” chegara bojxona postlari 2024-yil foydalanishga topshirilishi rejalashtirilgan.
Yanvar oxirlarida Toshkent viloyatidagi “G‘ishtko‘prik” bojxona posti yanada kengaytirilishi to‘g‘risida xabar berilgandi.
Izoh (0)