Президент томонидан имзоланган қонун билан Божхона кодексига ўзгартириш ва қўшимчалар киритилди. Бу ҳақда Адлия вазирлиги ахборот хизмати хабар берди.
Маълум қилинишича, қонун билан товарларни олиб киришда божхона қийматини аниқлашга доир нормалар халқаро стандартларга мувофиқлаштирилди, товарларни экспорт, реимпорт ва реекспорт божхона режимларига жойлаштириш тартиб-таомиллари соддалаштирилди.
Наманган вилояти Учқўрғон туманида Ўзбекистонни қўшни Қирғизистон билан боғловчи чегара постини қуриш бошлангани ҳақида хабар берилганди. Худди шундай лойиҳа Қирғизистоннинг Новкент тумани Қизилту қишлоғи “Кенгсай” божхона постида ҳам амалга оширилмоқда. Ўзбекистон—Қирғизистон чегарасида жойлашган “Учқўрғон” ва “Кенгсай” чегара божхона постлари 2024 йил фойдаланишга топширилиши режалаштирилган.
Январь охирларида Тошкент вилоятидаги “Ғишткўприк” божхона пости янада кенгайтирилиши тўғрисида хабар берилганди.
Изоҳ (0)