“Toshshahartranxizmat” 26-fevral kuni soat 08:24 da “1-Avtobus saroyi” filiali tasarrufidagi Mercedes-Benz rusumli avtobusda yong‘in sodir bo‘lgani yuzasidan ma’lumot berdi.
Qayd etilishicha, ushbu avtobus 2013-yil ishlab chiqarilgan bo‘lib, tasarruf boshidan buyon 862 425 kilometr masofani bosib o‘tgan. Haydovchi A.A. boshqaruvidagi avtobus, Yuqorichirchiq tumani, Bardanko‘l—Jumabozor—Qiziltog‘ yo‘li bo‘ylab harakatlanayotgan vaqtda, dastlabki maʼlumotga ko‘ra, tormoz tizimida nosozlik (“samotormojeniye”) kelib chiqqani sababli yong‘in yuz bergan. Shundan so‘ng, voqea joyiga FVV Yong‘in qutqaruv bo‘linmasi tezkor guruhi chaqirilib, yong‘in qisqa vaqtda bartaraf etilgan. Mazkur hodisa oqibatida tan jarohati olganlar yo‘q.
Hozirda “Toshshahartransxizmat” AJning Ishlab chiqarish texnik bo‘limi xodimlari tomonidan xizmat tekshiruvi olib borilmoqda.
Avvalroq Toshkent shahar Sergeli tumanida elektrobus yo‘l chetini ajratib turuvchi panjaraga borib urilgandi. Maʼlumotga ko‘ra, YTH haydovchining qon bosimi oshib, boshqaruvni yo‘qotishi natijasida kelib chiqqan.
Izoh (0)