“Тошшаҳартранхизмат” 26 февраль куни соат 08:24 да “1-Автобус саройи” филиали тасарруфидаги Mercedes-Benz русумли автобусда ёнғин содир бўлгани юзасидан маълумот берди.
Қайд этилишича, ушбу автобус 2013 йил ишлаб чиқарилган бўлиб, тасарруф бошидан буён 862 425 километр масофани босиб ўтган. Ҳайдовчи А.А. бошқарувидаги автобус, Юқоричирчиқ тумани, Барданкўл—Жумабозор—Қизилтоғ йўли бўйлаб ҳаракатланаётган вақтда, дастлабки маълумотга кўра, тормоз тизимида носозлик (“самоторможение”) келиб чиққани сабабли ёнғин юз берган. Шундан сўнг, воқеа жойига ФВВ Ёнғин қутқарув бўлинмаси тезкор гуруҳи чақирилиб, ёнғин қисқа вақтда бартараф этилган. Мазкур ҳодиса оқибатида тан жароҳати олганлар йўқ.
Ҳозирда “Тошшаҳартрансхизмат” АЖнинг Ишлаб чиқариш техник бўлими ходимлари томонидан хизмат текшируви олиб борилмоқда.
Аввалроқ Тошкент шаҳар Сергели туманида электробус йўл четини ажратиб турувчи панжарага бориб урилганди. Маълумотга кўра, ЙТҲ ҳайдовчининг қон босими ошиб, бошқарувни йўқотиши натижасида келиб чиққан.
Изоҳ (0)