Ozarbayjon Mudofaa vazirligi 24-fevral kuni arman kuchlari Kalbajar tumanidagi Yellija aholi punkti yo‘nalishida Ozarbayjon pozitsiyalarini o‘qqa tutganini ma’lum qildi. Armaniston bu ma’lumotni rad etib, aksincha Ozarbayjon tomonidan o‘qqa tutilganini bildirdi.
Ozarbayjon Mudofaa vazirligi maʼlumotlariga ko‘ra, mamlakat armiyasining pozitsiyalari mahalliy vaqt bilan 12:45da (Toshkent vaqti bilan 13:45) Basarkechyar tumani Yuxari Shorja aholi punktidan o‘qqa tutilgan. Armaniston tomoniga ko‘ra, taxminan soat 12:30da (Toshkent vaqti bilan 13:30) Verin Shorja hududida (Gegarkunik viloyati) armanlarning pozitsiyalariga hujum qilingan. Qurbonlar haqida ma’lumot berilmagan.
16-fevral kuni Ozarbayjon Armanistondan o‘qqa tutilgani va “adekvat javob choralari” qo‘llangani haqida xabar bergandi. Armaniston harbiy boshqarmasi bu maʼlumotni tasdiqlamagan. Bu voqeadan uch kun avval Armaniston hukumati Syunik viloyatida o‘qqa tutilish natijasida to‘rt askari halok bo‘lganini bildirgandi.
Ozarbayjon bu operatsiyani “Qasos” deb atagan, jumladan, bu voqeadan avval o‘q otish oqibatida Ozarbayjon chegarachisi yaralangan edi. Armaniston bosh vaziri Nikol Pashinyan voqeani “Ozarbayjonning yangi urushga tayyorlanishi” bilan bog‘ladi.
Izoh (0)