Озарбайжон Мудофаа вазирлиги 24 февраль куни арман кучлари Калбажар туманидаги Еллижа аҳоли пункти йўналишида Озарбайжон позицияларини ўққа тутганини маълум қилди. Арманистон бу маълумотни рад этиб, аксинча Озарбайжон томонидан ўққа тутилганини билдирди.
Озарбайжон Мудофаа вазирлиги маълумотларига кўра, мамлакат армиясининг позициялари маҳаллий вақт билан 12:45да (Тошкент вақти билан 13:45) Басаркечяр тумани Юхари Шоржа аҳоли пунктидан ўққа тутилган. Арманистон томонига кўра, тахминан соат 12:30да (Тошкент вақти билан 13:30) Верин Шоржа ҳудудида (Гегаркуник вилояти) арманларнинг позицияларига ҳужум қилинган. Қурбонлар ҳақида маълумот берилмаган.
16 февраль куни Озарбайжон Арманистондан ўққа тутилгани ва “адекват жавоб чоралари” қўллангани ҳақида хабар берганди. Арманистон ҳарбий бошқармаси бу маълумотни тасдиқламаган. Бу воқеадан уч кун аввал Арманистон ҳукумати Сюник вилоятида ўққа тутилиш натижасида тўрт аскари ҳалок бўлганини билдирганди.
Озарбайжон бу операцияни “Қасос” деб атаган, жумладан, бу воқеадан аввал ўқ отиш оқибатида Озарбайжон чегарачиси яраланган эди. Арманистон бош вазири Никол Пашинян воқеани “Озарбайжоннинг янги урушга тайёрланиши” билан боғлади.
Изоҳ (0)