Armaniston bosh vaziri Nikol Pashinyan Myunxendagi xavfsizlik masalalariga bag‘ishlangan yig‘ilishda Yerevan Ukraina masalasida Moskvaga ittifoqchi emasligini maʼlum qildi. Bu haqda “TASS” nashri xabar berdi.
“Men Ukraina masalasida Armaniston Rossiyaning ittifoqchisi emasligini uzoq vaqtdan beri aytib kelaman. Bu bizning samimiy pozitsiyamiz. Afsuski, biz ro‘y berayotgan holatga taʼsir eta olmaymiz. Nima bo‘lganda ham, Ukraina xalqi bizning do‘stimizdir”, — degan Pashinyan Myunxenda arman diasporasi bilan uchrashuvda.
Pashinyanga ko‘ra, 1991-yilda imzolangan Olmaota deklaratsiyasi Armaniston, sobiq ittifoq respublikalari, jumladan, Rossiya va Ukraina uchun ham hududiy mojaroni hal qilishda asos vazifasini bajarishi kerak. Bu hujjat respublikalarning chegaralari va hududiy yaxlitligini tan oladi. Ukraina masalasida ham xuddi shunday mantiq ishlaydi. Deklaratsiya qoidalariga amal qilmaslik esa Armaniston rahbari fikricha, mojarolar kuchayishiga, o‘zaro munosabatlar sovuqlashuviga olib boradi.
Izoh (0)