Ijtimoiy tarmoqlarda nosoz svetofor sabab haydovchiga jarima kelgani haqida xabarlar tarqaldi. Holat yuzasidan rasmiy izoh berildi.
Unga ko‘ra, ushbu videoda svetoforda sariq ishorada nosozlik kuzatilgani va buning oqibatida haydovchi chalg‘ib harakatlanib yuborgani aks etgan. Holat yo‘l harakati xavfsizligi boshqarmasi xodimlari tomonidan batafsil o‘rganildi.
Mazkur vaziyatda svetoforda kuzatilgan nosozlik inobatga olinib, holat bo‘yicha tasdiqlangan jarima solish to‘g‘risidagi qarorni bekor qilish bo‘yicha choralar ko‘rildi. Shuningdek, holatni o‘rganishda yetarlicha jihatlarga e’tibor bermagani uchun Toshkent viloyati IIB jamoat xavfsizligi xizmati Yo‘l harakati xavfsizligi boshqarmasining mas’ul xodimiga nisbatan tekshiruv ishlari olib borilishi belgilandi.
Izoh (0)