Hindiston atom energetikasiga 26 milliard dollar xususiy sarmoya jalb qilmoqchi. Bu haqda Reuters agentligi vaziyatdan xabardor manbalarga tayanib xabar berdi.
Agentlik maʼlumotlariga ko‘ra, hukumat Reliance Industries, Tata Power, Adani Power va Vedanta kompaniyalari bilan muzokaralar olib bormoqda. Ularning har biri sanoatga 5,3 milliard dollar sarmoya kiritishi taxmin qilinmoqda.
Reuters qayd etganidek, Hindiston atom energetikasini rivojlantirish uchun birinchi marta xususiy sarmoyani jalb qilmoqda. Mamlakatdagi barcha atom elektr stansiyalari Hindistonning davlatga qarashli atom energetika korporatsiyasi (NPCIL) tomonidan boshqariladi. Xususiy kompaniyalar o‘z kuchlari bilan stansiyalar qurish huquqiga ega emaslar. Agar xususiy investitsiyalar olinsa, NPCIL hali ham elektr stansiyalarini boshqaradi, ammo investitsiya kompaniyalari ishlab chiqarilgan elektr energiyasini sotish, butlovchi qismlarni yetkazib berishi mumkin bo‘ladi.
Atom energetikasiga sarmoya jalb qilish orqali Hindiston qazib olinadigan yoqilg‘iga tayanmaydigan yo‘llar bilan elektr energiyasi ishlab chiqarishni ko‘paytirmoqchi. Hozirda atom energetikasi mamlakatdagi umumiy elektr energiyasining atigi 2 foizini tashkil qiladi.
Reuters manbalariga ko‘ra, Hindiston hukumati 2040 yilgacha 11 MVt ishlab chiqarish uchun zarur bo‘lgan yangi atom elektr stansiyasini qurishni rejalashtirmoqda.
Izoh (0)