Ҳиндистон атом энергетикасига 26 миллиард доллар хусусий сармоя жалб қилмоқчи. Бу ҳақда Reuters агентлиги вазиятдан хабардор манбаларга таяниб хабар берди.
Агентлик маълумотларига кўра, ҳукумат Reliance Industries, Tata Power, Adani Power вa Vedanta компаниялари билан музокаралар олиб бормоқда. Уларнинг ҳар бири саноатга 5,3 миллиард доллар сармоя киритиши тахмин қилинмоқда.
Reuters қайд этганидек, Ҳиндистон атом энергетикасини ривожлантириш учун биринчи марта хусусий сармояни жалб қилмоқда. Мамлакатдаги барча атом электр станциялари Ҳиндистоннинг давлатга қарашли атом энергетика корпорацияси (NPCIL) томонидан бошқарилади. Хусусий компаниялар ўз кучлари билан станциялар қуриш ҳуқуқига эга эмаслар. Агар хусусий инвестициялар олинса, NPCIL ҳали ҳам электр станцияларини бошқаради, аммо инвестиция компаниялари ишлаб чиқарилган электр энергиясини сотиш, бутловчи қисмларни етказиб бериши мумкин бўлади.
Атом энергетикасига сармоя жалб қилиш орқали Ҳиндистон қазиб олинадиган ёқилғига таянмайдиган йўллар билан электр энергияси ишлаб чиқаришни кўпайтирмоқчи. Ҳозирда атом энергетикаси мамлакатдаги умумий электр энергиясининг атиги 2 фоизини ташкил қилади.
Reuters манбаларига кўра, Ҳиндистон ҳукумати 2040 йилгача 11 МВт ишлаб чиқариш учун зарур бўлган янги атом электр станциясини қуришни режалаштирмоқда.
Изоҳ (0)