Rossiya Shimoliy Koreyadan sotib olgan raketalar qismlari AQSH va Yevropada ishlab chiqarilgan — CNN

Buyuk Britaniya harbiy razvedkasi 20-fevral kuni taqdim etgan maʼlumot o‘tgan oyda Ukrainada Rossiya harbiylari tomonidan qo‘llangan Shimoliy Koreya ballistik raketalari AQSH va Yevropa kompaniyalarida ishlab chiqarilgan yuzlab komponentlarga egaligini tasdiqladi. Bu haqda CNN nashri xabar berdi.

Ushbu topilma Shimoliy Koreyaning raketa dasturida chet el texnologiyalariga tayanishining dalillaridan biridir. Rossiya qo‘lidagi qurol g‘arb komponentlariga ega ekanligi urush maqsadlari moliyaviy ehtiyojlar bilan bog‘liq ekanligi bilan asoslangan.

Xabarda aytilishicha, Britaniya tadqiqot guruhi Ukrainaning Xarkov shahridan topilgan Shimoliy Koreya ballistik raketasi qoldiqlari orasidan 290 ta komponentni bevosita o‘rganib chiqqan. O‘rganish davomida komponentlarning 75 foizi Amerika Qo‘shma Shtatlarida ro‘yxatdan o‘tgan kompaniyalar tomonidan ishlab chiqilgani va sotilgani aniqlangan.

Tadqiqotchilarga ko‘ra, raketada topilgan komponentlarning qolgan 16 foizi Yevropada, 9 foizi esa Osiyoda joylashgan kompaniyalar bilan bog‘langan. Bu komponentlar birinchi navbatda raketaning navigatsiya tizimidan iborat bo‘lib, bosh qarorgohi AQSH, Xitoy, Germaniya, Yaponiya, Niderlandiya, Singapur, Shveysariya va Tayvanda joylashgan 26 ta kompaniyada ishlab chiqarilishi mumkin.