2023-yilda Rossiya iqtisodiyotining o‘sishi o‘rtacha jahon ko‘rsatkichidan yuqori bo‘ldi, mamlakat yalpi ichki mahsuloti 3,6 foizga o‘sdi. Bu haqda Rossiya prezidenti Vladimir Putin iqtisodiy masalalar bo‘yicha yig‘ilish davomida ma’lum qildi.
“O‘tgan yili iqtisodiy o‘sish prognozlardan yuqori bo‘ldi. Rossiya yalpi ichki mahsuloti o‘sdi. Biz shu paytga qadar 3,5 foiz deb hisoblagandik, so‘nggi ma’lumotlarga ko‘ra esa, yalpi ichki mahsulot 3,6 foizga o‘sgani ma’lum bo‘ldi. Bu o‘rtacha jahon ko‘rsatkichidan yuqori”, — dedi u.
![](/static/2024/02/12/putin853-LUzm02eO.jpg)
Ma’lumot uchun, dunyoda yalpi ichki mahsulotning umumiy o‘sish ko‘rsatkichi o‘rtacha 3 foizni tashkil etadi, rivojlangan mamlakatlar iqtisodiyotida esa bu o‘rtacha 1,5 foizni tashkil qiladi.
Avvalroq Rossiya prezidenti Vladimir Putin jurnalist Taker Karlsonga bergan intervyusida tashqi siyosiy kurashda dollardan foydalanish ahmoqlik va AQSHning eng yomon strategik xatolaridan biri ekanini aytgan edi.
Izoh (0)