2023 йилда Россия иқтисодиётининг ўсиши ўртача жаҳон кўрсаткичидан юқори бўлди, мамлакат ялпи ички маҳсулоти 3,6 фоизга ўсди. Бу ҳақда Россия президенти Владимир Путин иқтисодий масалалар бўйича йиғилиш давомида маълум қилди.
“Ўтган йили иқтисодий ўсиш прогнозлардан юқори бўлди. Россия ялпи ички маҳсулоти ўсди. Биз шу пайтга қадар 3,5 фоиз деб ҳисоблагандик, сўнгги маълумотларга кўра эса, ялпи ички маҳсулот 3,6 фоизга ўсгани маълум бўлди. Бу ўртача жаҳон кўрсаткичидан юқори”, — деди у.
![](/static/2024/02/12/putin853-LUzm02eO.jpg)
Маълумот учун, дунёда ялпи ички маҳсулотнинг умумий ўсиш кўрсаткичи ўртача 3 фоизни ташкил этади, ривожланган мамлакатлар иқтисодиётида эса бу ўртача 1,5 фоизни ташкил қилади.
Аввалроқ Россия президенти Владимир Путин журналист Такер Карлсонга берган интервьюсида ташқи сиёсий курашда доллардан фойдаланиш аҳмоқлик ва АҚШнинг энг ёмон стратегик хатоларидан бири эканини айтган эди.
Изоҳ (0)