Qozog‘istonning eng yirik aviakompaniyasi Air Astana Qozog‘iston va Buyuk Britaniya fond birjalarida IPO doirasida qimmatli qog‘ozlarni joylashtirdi.
Asosiy LSE (London fond birjasi) va Ostona xalqaro birjasida (AIX) shartli savdolar boshlanishida kompaniyaning bozor kapitallashuvi taxminan 847 million dollarni tashkil qiladi, deyiladi aviakompaniya bayonotida.
Qimmatli qog‘ozlarni IPO doirasida joylashtirishning yakuniy narxi global depozit kvitansiyasi (GDR) uchun 9,5 dollar va bir aksiya uchun 1 073,83 tenge etib belgilandi. Bitta Air Astana GDR to‘rtta aksiyaga to‘g‘ri keladi.
Kompaniyaning qimmatli qog‘ozlari AIRA belgisi ostida sotiladi. Air Astana GDR’larining AIX va LSE birjalarida shartli savdosi 2024-yil 9-fevralga rejalashtirilgan. London fond birjasiga qabul qilish 14-fevralda boshlanishi kutilmoqda. Qozog‘iston fond birjasi va London fond birjalarida asosiy savdolar 15-fevraldan boshlanadi.
IPO faqat taxminan 350 million dollarni (soliqlar va xarajatlardan tashqari) yoki ortiqcha taqsimlash opsiyasi to‘liq amalga oshirilsa, 370 million dollarni jalb qiladi. Ushbu mablag‘dan taxminan 120 million dollar kompaniya o‘sish strategiyasini qo‘llab-quvvatlash uchun jalb qiladi, deyiladi Air Astana xabarida.
Kaspi.kz mobil ilovalar kompaniyasi 19-yanvar kuni Nasdaq fond birjasida o'zining dastlabki aksiyalarini joylashtirdi (IPO) va taxminan 1 million dollar yig'di. Dastlabki savdo kunida Kaspi.kz aksiyalari taklif qilingan narxdan 0,5 foizga oshdi, bu esa kompaniyaning 17,51 milliard dollarga baholanishiga olib keldi.
Izoh (0)