Xorazm viloyati Xiva tumanida qurilish materiallarini qimmat narxlarda xarid qilish holati aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Xiva tuman bo‘limi tomonidan tergovga qadar tekshiruv o‘tkazilgan. Tekshiruv davomida tuman obodonlashtirish boshqarmasi masʼul shaxslari “A.q.” xususiy korxonasi hamda “KN.G.”MCHJdan qurilish materiallarini bozor bahosidan 571,8 million so‘mga qimmat narxlarda xarid qilgani aniqlangan. Shuningdek, ushbu subyektlar tomonidan qurilish ishlarini amalga oshirishda rasmiy hujjatlarga soxta maʼlumotlar kiritish orqali 56,1 million so‘m o‘zlashtirilgani ma’lum bo‘ldi.
Mazkur holatlar yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 209-moddasi (mansab soxtakorligi) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Surxondaryoda xususiy bog‘cha qurish uchun ajratilgan 356 mln so‘m kredit mablag‘lari talon-toroj qilingani to‘g‘risida xabar berilgandi. Shuningdek, Toshkentda MCHJ mas’ullari majburiy badal uchun to‘langan 1,1 mlrd so‘mni o‘zlashtirgani aniqlangan edi.
Izoh (0)