Ayubxon Yunusov O‘zbekistonning Kuvaytdagi elchisi etib tayinlandi. Bu haqda “Dunyo” AA xabar berdi.
Kuvaytga elchi etib tayinlanishidan oldin u TIVning Konsullik-huquqiy departamenti boshqarma boshlig‘i lavozimida ishlab kelayotgan edi.
50 yoshli diplomat Imom al-Buxoriy nomidagi Toshkent islom instituti, Misrning “Al-Azhar” universiteti, Jahon iqtisodiyoti va diplomatiya universiteti, Toshkent davlat yuridik institutini tamomlagan. Xalqaro huquq, islomshunoslik, arab filologiyasi singari mutaxassisliklarga ega. Yuridik fanlar nomzodi.
2003-yildan buyon Tashqi ishlar vazirligi tuzilmasida turli lavozimlarda, jumladan, markaziy apparatda, Saudiya Arabistonidagi elchixonada, Jidda shahri va Dubay Emiratidagi (BAA) Bosh konsulliklarda ishlagan.
Ayubxon Yunusov 2016—2022-yillarda O‘zbekistonning Kuvaytdagi elchisi bo‘lib ishlagan Bahromjon A’loyev o‘rniga tayinlandi.
Izoh (0)