Navoiy viloyatida quvur klapanlarni o‘zlashtirish holati aniqlandi, deb xabar beradi Bosh prokuratura huzuridagi departament.
![](/static/2023/12121/41f2c9b2d8bccce3770a0e812d72be1e.jpg)
Ma’lum qilinishicha, departamentning Navoiy viloyat boshqarmasi tomonidan tergovga qadar tekshiruv o‘tkazilgan. Tekshiruv davomida “I.M.” DUK viloyat filiali va “S.X.” xususiy korxonasi masʼul shaxslari xususiy korxona tomonidan haqiqatda yetkazib berilmagan 6 turdagi umumiy bahosi 271 million so‘mlik 55 dona yuqori bosimli quvur klapanlarni kirim qilingani haqida soxta hujjatlarni rasmiylashtirgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Surxondaryoda soxta hujjatlar orqali 730 mln so‘mdan ortiq kredit mablag‘lari talon-toroj qilingani ma’lum bo‘lgandi. Shuningdek, Samarqandda 2,2 mlrd so‘m imtiyozli kredit mablag‘larini o‘zlashtirgan MCHJ rahbari aniqlangan edi.