Farg‘ona shahridagi noturar obyektda elektr energiyasidan noqonuniy foydalanish holati aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Farg‘ona viloyat boshqarmasi tomonidan tergovga qadar tekshiruv o‘tkazilgan. Tekshiruv davomida “A.T.” MCHJ masʼul shaxslari korxonaning Farg‘ona shahridagi noturar obyektiga o‘rnatilgan elektr hisoblagichga tashqi taʼsir o‘tkazib, jami 568,4 million so‘mlik elektr energiyasidan noqonuniy foydalangani aniqlangan.
Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Samarqandda noqonuniy oltin qazuvchilar 753 mln so‘mlik elektr energiyasini o‘g‘irlagani ma’lum bo‘lgani, Asakada elektr tarmoqlari muhandisi 13 mln so‘mni firibgarlik yo‘li bilan qo‘lga kiritgani aniqlangani to‘g‘risida xabar berilgandi.
Izoh (0)