Britaniyalik erkak imlo xatosi ortidan qamoqqa olindi

Britaniyalik erkak imlo xatolari tufayli qamoqqa tushdi. Sud Gari Yangga sobiq sevgilisi bilan muloqot qilishni taqiqlagandi, ammo erkak unga boshqa birovning akkauntidan yozishni davom ettirdi.

Ayol Yangni yozish uslubi, ya'ni o'ziga xos imlo xatolaridan tanib qoldi — erkak har doim "Somerset" so'zini xato bilan "Sammerset" ko‘rinishida yozgan.

Qizning shikoyatidan keyin Yang hibsga olindi. Avvaliga u hamma narsani rad etdi, ammo politsiya undan "Somerset" so'zini yozib berishni so‘ragandan keyin hammasi oydinlashdi. Yang yana bu so‘zni xato bilan yozgan.

Sud taqiqini buzgani uchun Yangni bir yillik qamoq jazosiga hukm qildi, deb xabar beradi Kent Online.