Birlashgan Millatlar Tashkilotining Inson huquqlari bo‘yicha Oliy komissari Folker Turkning fikricha, AQSHda mahbusning azot bilan qatl etilishini qiynoqlarga tenglashtirish mumkin.
Yevropa Ittifoqi davlatlari ham azotli qatlni qoralab, buni “shafqatsiz jazo” deb atadi. Inson huquqlari kengashi rahbari Yeva Merkacheva o‘lim jazosi barcha “sivilizatsiyalashgan” mamlakatlarda taqiqlanishiga umid bildirdi. Kecha 25-yanvar kuni AQSHda 58 yoshli mahkum azot gazi bilan qatl etilgandi.
“Men Alabama shtatida Kennet Yujin Smitning qatl etilganidan chuqur afsusdaman. Bu yangi va sinovdan o‘tmagan qatl turi shafqatsiz qiynoq bo‘lib, g‘ayriinsoniy va qadr-qimmatni kamsituvchi usuldir”, — dedi BMT Inson huquqlari bo‘yicha komissari.
“Yetakchi ekspertlarning fikriga ko‘ra, bu usul o‘ta shafqatsiz hisoblanadi. Buning ustiga, avvalroq 2022-yilning noyabrida mahbusni qatl qilishga urinish muvaffaqiyatsiz chiqqanini ham unutmaslik kerak”, — deyiladi Yevropa Ittifoqi tashqi xizmati bayonotida.
Qayd etilishicha, Yevropa Ittifoqi “har doim va har qanday sharoitda” jazo usuli sifatida o‘lim jazosiga qarshi.
Izoh (0)