Qozog‘iston Majilisi mamlakatga elektron sigaretalarni (veyp) olib kirish, ishlab chiqarish va sotishni to‘liq taqiqlovchi qonunni qabul qildi. Bu haqda Tengrinews xabar bermoqda.
Veyplar savdosi uchun jinoiy javobgarlik quyidagilarni nazarda tutadi:
- veyp sotganlik uchun maksimal jazo — 50 kungacha qamoq;
- olib kirish va tarqatish uchun — 2 yilgacha ozodlikdan mahrum qilish;
- jinoiy guruh tomonidan yoki o‘ta yirik miqdorda yoki takroran sodir etilgan shunday harakatlar uchun — 5 yilgacha ozodlikdan mahrum qilish.
Bundan tashqari, tibbiyot xodimlariga bemorning individual xususiyatlariga qarab eng yaxshi davolash usullarini tanlash imkoniyatini berish uchun tibbiy yordam ko‘rsatishda klinik protokollardan majburiy foydalanish istisno qilinadi.
2022-yilning kuzida Qozog‘iston Sog‘liqni saqlash vazirligi mamlakatda veyplar muomalasini taqiqlashni taklif qilgandi. Bunga o‘smirlar va bolalar o‘rtasida iste’mol ko‘paygani sabab bo‘lgan.
Izoh (0)