Peru prokuraturasi respublikaning sobiq prezidenti Pedro Kastilyo uchun 34 yillik qamoq jazosini so‘radi.
Bu haqda boshqarmaning X ijtimoiy tarmog‘idagi sahifasida ma’lum qilingan.
“Prokurorlar Pedro Kastilyo Terronesga fitna uyushtirish, mansab vakolatini suiiste’mol qilish va jamoat tartibini jiddiy buzganlik uchun 34 yil qamoq jazosini talab qilmoqda”, — deyiladi bayonotda.
Sobiq prezident 2022-yil 7-dekabrda davlat to‘ntarishini amalga oshirishda ayblanmoqda.
O‘shanda prezident Pedro Kastilyo qonun chiqaruvchi organ unga impichment e’lon qilishga uringanidan so‘ng Kongressni tarqatib yuborib, zudlik bilan komendantlik soati joriy etgandi.
Ammo Konstitutsiyaviy sudi Kongressni tarqatib yuborishni rad etgan va o‘sha kunning o‘zidayoq Kastilyoga impichment e'lon qilingan. Shundan so‘ng prezident davlat to‘ntarishi uyushtirishda ayblanib, hibsga olingan.
Izoh (0)